Pasidalinkite!

Sarmata turietom būtē Telšēms, kap apsišaukelēms, kad būk tai Telšē ī Žemaitējēs suostėn. Grīnū grīniausia sarmata ī, ka Varniūs unt kebebēnēs uždraudė žemaitėškā užrašītē „Kebabā“. Vo Mažeikiū rajuonē Seduos miestalie, ī tuokē škūrliu ī kētū dāktū kriautovē, kor vēsē parašymā ī žemaitėškā, ī nieks anīms akiū nedraska, t.ī valdžia. Musintās Mažeikiū valdžiuo sied truopnesnē žemaitē,nei Telšiūs.

Kriautovės gaspaduorios matīt ī gers špuosorios, nes ne, tik pavadēnēma užrašē Žemaitėškā, bet ir unt longa, dārba laika: „Darboujamies“ ir „Vagē, būkēt spakaini, unt naktēis pinigā kasuo nepalēiktami“.

Ī kuoks biesos apsieda tus Telšius, ka tep nekēstē sava rokondas?